Zer da osteopatia eta kirol-fisioterapia?

Filosofia berbera da (aldaketa eta berezitasun txiki batzuekin), kirol-praktikari aplikatua, lesioak tratatzeko eta errendimendua hobetzeko helburuarekin. Uste dugu osteopatiak oso ekarpen interesgarriak egiten dituela, maila eta mota guztietako kirolarientzat.

Osteopatia eta kirol-fisioterapia kirolari bideratutako espezialitateak dira. Ez da beharrezkoa eliteko kirolaria izatea. Gakoa da gorputzari transmititzen diogun ahalegin eta karga osoa kontuan hartzea. Horregatik, espezialitate hauetan kontua ez da soilik tratamendua lesioa gertatu ondoren ematea. Are garrantzitsuagoa dena egiten dugu: jarraibideak eta gakoak ematen ditugu, kirola egiten duen pertsona orok lesio horiek saihesteko modua izan dezan.

Fisioterapia deportiva Osteopatía deportiva Vitoria-Gasteiz Amorrortu Osteopatía

“Osteopatiaren eta kirol-fisioterapiaren helburuak bi dira: lesioak prebenitzea eta lesioak sendatzea eta errehabilitatzea”

Fisioterapia deportiva Osteopatía deportiva Vitoria-Gasteiz Amorrortu Osteopatía
Fisioterapia deportiva Osteopatía deportiva Vitoria-Gasteiz Amorrortu Osteopatía

Osteopatiaren eta kirol-fisioterapiaren helburuak

  • Osteopatia eta prebentziozko fisioterapia:

Dena aztertu behar da: pazienteak egiten duen kirol-jarduera, pazientearen osasun orokorra, eta elementu bi horiekin zerikusia duten gainerako inguruabarrak. Arrisku-faktoreak ezabatzea da kontua, edota arrisku horiek gutxitzeko elementuak ematea. Garrantzitsua da, halaber, pazienteari bere burua ezagutzeko eta bere kirol-jarduera hobeto ikasteko laguntza ematea, horrek tresna praktikoak emango baitizkio arazoak prebenitzeko eta jardueraz gozatzeko.

Pazientearen kirol-jarduera aztertzen dugu. Bere egoera muskularra lantzen dugu eta muskuluak gehiegi ez nekatzeko modua bilatzen dugu. Helburua da karga arintzea eta postura txarrak saihestea. Kirolariari oinarrizko jarraibideak ematen dizkiogu, jarduera fisikoaren aurretik eta ondoren egiteko. Gorputzak gauza guztiz ezberdinak behar ditu hasieran eta amaieran: behar duena eman behar diogu, lesioak saihesteko.

  • Osteopatia eta errehabilitazio-fisioterapia:

Kirol-jarduerek eragindako lesioak errehabilitatzea da helburua, esku-terapia eta agente fisikoak erabiliz. Teknika egokiak aukeratuz gero, errekuperazio-denborak murriztea lortuko dugu. Era berean, kirolariari gakoak eta jarraibideak emango dizkiogu, pixkanaka-pixkanaka berriro ere entrenatzen hasteko.

Zein lesio tratatu daiteke?

Hausturak

Muskuluen urradurak: kontrakturak, zuntz haustura…

Orkatila edo eskumuturra bihurritzea

Belaunetako alboetako ligamenduak, gurutzatuak

Tendinitisa eta tendinosia.

Pubisaren osteopatia.

Kondropatiak

– Eta abar