Lehenengo bisita

Lehen bisita oso garrantzitsua da, une horretantxe pertsona batek bere osasuna zure eskuetan jartzea erabaki baitu. Konfiantzazko ariketa bat da. Horregatik, hain zuzen, Amorrortu Osteopatian lehenengo bisita erosoa izatea nahi dugu: etxean egongo bazina bezala. Aplikatuko dizugun tratamenduari buruzko zalantza guzti-guztiak argituko dizkizugu.

Kontsulta guztietan, beharrezkoa denean, tratatzen dugu pazientea. Lehen kontsultan, ordea, denbora bat emango dugu historia kliniko eta pertsonal txiki bat osatzeko eta pazienteak ekartzen dituen probak ikusteko (mediku-txostenak, erresonantzia magnetikoak, erradiografiak, analitikak…). Horrek pertsona ezagutzeko aukera ematen digu, arriskuak saihesteko. Aukera ematen digu bere egoeraren ikuspegi orokorra izateko eta bere gaixotasunen kausa posibleak aztertzeko, sintoma zehatzetatik harago. Tratamendua ahalik eta gehien fintzea da helburua, eraginkorragoa izan dadin.

Gure lan-metodologia ez da, soilik, kontsultan tratamendu bat ematea. Lehen unetik inplikaturik behar zaitugu, eta, paziente zaren aldetik, jakin behar duzu zu zeu zarela arazoa gainditu eta sendatu egingo dena. Gure tratamenduak lagundu egingo du, ez besterik. Gu tresna bat besterik ez gara sendabidean.

Lehenengo bisitatik abiatuta, tratamendu pertsonalizatu bat prestatuko dizugu, hainbat saiotan garatzeko.  Saioen iraupena aldatu egingo da, pazientearen premien arabera, baina normalean 45 minutu ingurukoa izango da. Salbuespenak salbuespen, pazientea astean behin tratatuko dugu, eta saio kopurua aldatu egingo da, pazienteak duen arazoaren edo patologiaren arabera.

Tratamenduak ez dira mingarriak, gehienez ere, molestia txikiren bat eragin dezakete.

Jakin badakigu konfiantza handia dela zure osasuna gure eskuetan jartzea. Horregatik, edonolako zalantzarik izanez gero, mesedez, ez izan zalantzarik, eta gurekin kontsultatu. Pozgarria izango da guretzat laguntzeko aukera izatea.